I-Chiefs ivule ngekudliwa kumdlalo we-Caf-CC
Licembu le-Kaizer Chiefs lebelivakashele lase-Egypt kumdlalo wemncitiswano wendzebe ye-Caf-Confederation Cup e-Nkhundleni yase-Suez.
Libe nesicalo lesingajabulisi ngekutsi lidliwe 2-1 licembu le-Al-Masry ngelisontfo ntsambama.
Bonheur Mugisha unike lelicembu le-Al-Masry ligoli lekucala ngephenathi ngemaminitsi le-59 alomdlalo.
Dillon Solomons akamange atsatse aphutise ngekushaya ligoli lekulinganisa lomdlalo ngemaminithi la-66, ngebhola lesuke ku-Mfundo Vilakazi lobekacedza kungena.
Mohammed Hashem, ngemaminitsi la-87 alomdlalo ushaye ligoli leliwinise licembu le-Al-Masry ngemagoli la-2-1.
Lemiphumela ibeke licembu le-Al-Masry ekucaleni kulelitafula lalomncitiswano ngemaphuzu la-3, lapho i-Chiefs isekugcineni noma emsileni kwalelitafula.
Licembu le-Chiefs belihlaselwa ekucaleni kwalomdlalo, kodvwa balwile bavimba emuva kutsi bangangenelwa.
Licembu le-Al-Masry litfole litfuba lekucala ngebhola ye-free-kick, lapho bebadlalise khona kabi Abderrahim Deghmoum.
Kapteni Hassan Mohammed Ibrahim watsatsa lebola ngelinyawo lakhe lesencele kodvwa lomtsangala we-Amakhosi bekacinile kuvimba lebhola.
Mduduzi Shabalala bamlahle phansi ngemaminitsi nje la-28’, wadalela licembu le-Chiefs litfuba le-free-kick kodvwa akukho lokwentekile ngalelitfuba.
Kube nelitfuba lelihle kakhulu ngemamitsi asomphemphe, ngebhola lehle lechamuke na-Shabalala, Solomons, Etiosa Ighodaro, kodvwa lomgadlai ekugcineni wabanjelwa.
Licembu le-Kaizer Chiefs libuyele esigabeni sesibili salomdlalo lingakenti tingucuko, le-Al-Masry lona belibafikela ngemandla.
Peterson wavimba emabola lamabili lebayingoti kakhulu ngemaminitsi nje-lasihlanu ekucaleni kwesigaba sesibili salomdlalo.
Kodvwa ngemaminitsi la-59, Peterson udale iphenathi lapho adlalise khona kabi Mahmoud Elsayed.
Mugisha wayitsatsa wayivalela enethini, wabuya Solomons walinganisa lomdlalo nga-1-1.
Ngemaminitsi nje ekugcina langu-87’ kutsi umdlalo uphele Mohammed Hashem washaya lekuphetsisa lomdlalo 2-1 ngeliphutsa lelidalwe ngu Inacio Miguel emuva.
