Lokujabulise Motaung Jr ngeKaizer Chiefs kulowe-Al Masry
Umcondzisi wetemidlalo weKaizer Chiefs, Kaizer Motaung Jr uyavuma kutsi bekungaba kuhle kube bakhonile kutibekela indawo esigabeni semkhunula jezi lapha kuCAF Confederation Cup njengobe kusasele umdlalo munye nje.
Loku bekungenteka ngekutsi leli cembu lincobe ngemagoli lamabili noma ngetulu ngesikhatsi licudzelana ne-Al Masry.
Ligcine lincoba nga 2-1. Nanoma nje Motaung Jr agcizelela ngekuthi kusetandleni tabo njengoba kubukiwe emidlalweni yekugcina.
IChiefs itawuvakashela eCairo ngempelasontfo kuyocudzelana netingcalamba tase-Egypt iZamalek.
Itawuya lapho yati kutsi kugwema kuhlulwa kutawube nje kwanele kutibekisela indzawo esigabeni semkhumula jezi.
Njenganyalo Amakhosi ahlalisekile kuGroup D ngemaphuzu langu-10 emidlalweni lemihlanu kulandzelana kuncoba imidlalo lemitsatfu kulandzelana.
Ngemuva kwekuncoba kabili kulandzelana kuZesco United, iKaizer Chiefs icinise indzawo yayo ngekunqoba nga 2–1 ihlula i-Al Masry ePeter Mokaba Stadium ngeLiSontfo.
“Siwalwele kantima lamaphuzu lamatsatfu lekuyitfo lwsiyisa lapho sifuna kuba khona, sesisondzele kakhulu,” kusho Motaung Jr kuSABC Sport ngemuva kwalomdlalo.
