IChiefs ifike yakhipha lihlazo ePeter Mokaba Stadium

Lelicembu leKaizer Chiefs lisahamba kahle encitiswaneni wemacembu emave aseAfrika, iCaf Confederation Cup.

Amakhosi bekavudzalana nelicembu le-Al Masry ePeter Mokaba Stadium esifundzeni sase Limpopo ePolokwane mhlaka 8-Indlovana 2026 ngensimbi ya-15:00 emini yantsambama.

IChiefs itfole iphenathi lebange tinkhulume nemsindvo, Lilepo udvonse intsambo yemtiya lefike yashaya sandla sa Ahmed Ayman Mansour, yase itsatfwa ngu Flavio Da Silver waphindza lakwente ku Nedbank Cup.

Letivakashi tibuye tashaya lekulinganisa kulomdlalo ngembi kwekutsi Zitha Kwinika ashaye ibhola lenhle ngenhloko lefike yacedziswa ngu Aden MacCarthy, ligoli leliphetsise lomdlalo.

Ichiefs ihleli kunombolo one kulelitafula lesicoco seCaf Confederation Cup nemaphuzu lalishumi.

Kulomdlalo lolandzelako we-Caf Confederation iChiefs iyobambana nelicembu leZesco United.