Prof Ngubane ugceke umdlali we-Chiefs
Insika yebhola letinyawo Mlungisi “Professor” Ngubane ukhiphe emagama lanemandla lagceke umdlali wasemuva welicembu le-Kaizer Chiefs Inacio Miguel.
Ukhiphe emagama lacondze ngco kulomdlali, watsi nguye umdlali lobutsi/longenamandla kulelicembu le-Kaizer Chiefs.
Ngubane uchubeke waphikasana nga-Miguel, “ute lizinga,”
Ubite lomdlali wase-Angola nge, “Nkhomo,” abika ngemaphutsa akhe kulomdlalo wabo ne-Al Masry SC.
“Umbonile aphonya lebhola bulima phakatsi ebhokisini lesikhatsi badlala ne-Al Masry SC, amosha lokwentiwe nguletihlabane letincane,” kuphindze kwasho yena.
“Lomdlali ungumdlali losivakashi, bekumele adlale ngekutimisela, Kodvwa angimboni Asita licembu le-Kaizer Chiefs.”
Uchubeke wagceka moya lomubi wa-Inacio, “Unekubamba badlali kunganasidzingo atfole emakhadi ngenca yemoya wakhe phakatsi enkhundleni yemdlalo.”
Ngubane ucwayise baceceshi be-Amakhosi kutsi bakhetse kahle badlali basemuva, wabika kwekutsi letinye tindlela tifuneka tukwemidlalo lelandzelako.
“Kwamele babuke badlali labafana na-Given Msimango kanye na-Rushwin Dortley, nanoma nje Dortley alimele,” kucacise Ngubane.
I-Kaizer Chiefs itawuvakashelwa licembu laseveni lase-Egypt licembu le-Zamalek SC.
Lomdlalo utawutsatsa indzawo eNkhundleni yase-Peter Mokaba, kumdlalo lobaluleke kakhulu we-Caf Confederation Cup ngeMgcibelo ngensimbi ya-3pm pheceleti Emini.
