IChiefs isanalo litsemba ku-Caf Confederation Cup

Zitha Kwinika welicembu leKaizer Chiefs utsi uyatsemba kutsi lelicembu lisanalo litfuna kulomncitiswano we-CAF Confederation Cup.

Livembu leKaizer Chiefs lidliwe umdlalo munye, ladlala ngekulingana kumdlalo wabo wesibili komncitiswano.

Bavule ngebhadi yekudliwa 2-1 kumdlalo wabo wekucala licembu le-Al Masry eveni lase Egypt, lapho badliwe ngeligoli lelishatjwe umdlalo soyangasekuphelemi.

NgoMgcibelo neZamalek bekufanele bavuse inhloko, kodvwa badlala kulingana nalelicembu laseEgypt.

Loku kubabeke kunombolo-3, kugroup D, neliphuzu linye ngemuva kwemidlalo legibility, kodvwa Kwinika utsemba kwekutsi sikhatsi sisakhona.

“Kulesigaba sanyalo ngitsandza ngijabule kakhulu kutsi ngiyasitfola sikhatsi, mhlawumbe nekudlala lokusezingeni,” kusho loweminyaka le-longumdlali wasemuva.

“Kodvwa lokubaluleke kakhulu licembu. Umasitfola miphumela ngicabanga kutsi kwenta yonkhintfo ibencono ngekutsi lizinga lekutitsemba likhuphuke.

“Kodvwa kulemidlalo yetfu decaf CAF Confederation Cup lesisandza kuyidlala asikaphumi nemiphumela besiyilindzele.

Kodvwa akukho lokulahlekile lapho, miningi midlalo lekusafanele siyidlale .

Kwinika utsi bafundzile sifundvo kulemidlalo yekucala, utsemba kwekutsi batawenta kahle kulemidlalo letako.

Uyati kutsi kwamele bancobe kulemidlalo lelandzelako batfole emaphuzu lamanyenti kuhle bakhone kuphumelela kulomncitiswano.

“Sifundzile kulemidlalo lemibili lesiyidlalile sibencono kumalungiselelo emidlalo letako.

“Kutwaufanele kutsi sithole emaphuzu lagcwele kulemidlalo leyo kuhle sikhone kuchubekela phambili  kulesigaba lesilandzelako,” kungte yena.

Kodvwa nyalo Amakhosi abukelele kumdlalo weBetway Premiership lapho bangunombolo 4, badlale imodlalo le-11. Batawucudzelana nelicembu leChippa United kumdlalo wabo wekugcina, eNkhundleni yaseNelson Mandela Stadium eGqeberha ngoLesitsatfu ebusuku