IStellies siqale ngegiya eliphezulu kwiCAF
IStellenbosch FC siqale umdlalo wayo wokuqala ngqa weCAF Confederation Cup ngonyawo oluphezulu njengoba sehlule ikilabhu yaseSwatini iNsingizini Hotspur FC.
INsingizini Hotspur FC yemukele iStellies namuhla ntambama eMoses Mabhida Stadium, eThekwini emdlalweni wokuqala weCAF Confederation Cup.
Iqembu lasekuhambeni iStellenbosch FC siqale kahle kakhulu kulo mdlalo. U-André De Jong weStellies ushaye igoli lakhe lokuqala ngqa kwiCAF Confederation Cup ngomzuzu wama-35. Umdlali osemncane weStellies uKyle Jurgens ugobe ibhola elihle kakhulu kuleli goli.
IStellies siqhubekile nokuhamba phambili kulo mdlalo. Le kilabhu ithole elinye igoli ngomzuzu ka-42 ngelihle igoli likaDevin Titus, kwathi isiwombe sokuqala saphela ngo 2-0.
Le kilabhu iphinde yagqama ngesiwombe sesibili kanti alinikezanga iqembu lasekhaya ithuba lokudlala. IStellies besigcwele inkundla ngesiwombe sesibili sizama ukushaya amagoli amaningi.
Ngenhlanhla, iStellenbosch FC sithole iphenathi ngomzuzu ka-71 ngesikhathi uBradley Mojela bemwise phansi ebhokisini. UFawaaz Basadien akalenzanga iphutha njengoba eshaye enhle iphenathi kwaba ngu 3-0.
Lo mdlalo uphele ngo 3-0 kuwina iStellenbosch FC. Lawa maqembu azophinde abhekane ngomhla zingama-24 kule nyanga eMoses Mabhida Stadium. Lowo mdlalo kuzobe kungowomlenze wesibili kuthi ozonqoba adlulele emzuliswaneni olandelayo.
