Umgadli we-Chiefs ubuyisa kutetsemba

Umgadli welicembu le-Kaizer Chiefs, lolahlekelwe kutetsemba ngemuva kwekungabi nemdlalo lomuhle, kubikwe kutsi utfola kutilolonga kwekubuyisa kutetsemba.

Ashley Du Preez ngalesikhatsi selikhefu selive, lelicembu lihlele sikhatsi sekutsi abuyise kutetsemba kwakhe.

Loku kufaka ekhatsi bumatima betigameko letibukane naloweminyaka le-28 ngebudzala phakatsi enkhundleni nangaphandle enkhundleni.

Du Preez ubukene nekucindzeteleka ngemuva kwekutsi ahluleleke ligoli lelatsikameta miphumela yalelicembu badlala nelicembu le-AS Simba e-Lubumbashi.

Du Preez uhluleke litfuba lelihle lebekufanele liwinise lelicembu le-Kaizer Chiefs, kantsi futsi ngemuva kwekuphela kwalomdlalo ubukane nekugcekwa balandzeli kulamanye mahlangotsi.

Imphendvulo, Baceceshi be-Chiefs Cedric Kaze and Khalil Ben Yourseff batsatse sincumo sekuvikela lomdlali ngekwemcondvo/ngekwengcondvo, kutsi aphunyutwe lemidlalo yekugcina lemine.

Ngalesikhatsi angekho bekavalwe ngu-Etios Ighodaro, Flavio Silva, kanye na-Khanyisa Mayo.

Umbiko lobuya kube-Kickoff, intsatseli yaphakatsi e-Naturena, utsi baceceshi batsemba kwekutsi lesikhatsi lesidze lesite midlalo ledlalako sitawenta lomdlali atfole sikhatsi lesanele kutsi aphole atfole kutitsemba.

Kantsi Du Preez yena ke, lesizini usengakashayi nalinye ligoli kumidlalo le-7, kantsi kutimisela kwakhe asadlala kulelicembu le-Stellenbosch FC ngemnyaka wa-2022 Inyoni, kungenhla nanyalo.

Ube nemitselela le-28 wemagoli (kugolisa neku assist) kumidlalo le-91 lekayidlalile.

Licembu le-Chiefs linelitsemba lekutsi lomdlali utawuba sekapholile ngekwemcondvo, akhaliphile futsi, uma lelicembu libuyela emidlalweni.

I-Kaizer Chiefs itawuvakasha eveni lase-Egypt ngenyanga yeLweti-23 bayobukana ne-Al Masry kumdlalo wabo wekucala we-Caf Confederation Cup.