I-Durban City seyisayine sihlabane lesibeyinkinga kulesizini ye-PSL

Lelicembu le Durban City lelisandza kutsatsa iNedbank Cup,  selisayine lesihlabane lesincane ngalokuphelele, Kyle Jurgens.

Jurgens bekabolekisiwe ecenjini le-City asuka kuStellenbosch FC. Kodvwa ngemuva kwekutsi abe nesizini lehle, iCity itsatse sincumo sekusayina lomdlali ngalokuphelele.

Nanoma nje iSundowns nayo beseyicalile kuchumana ne-Stellenbosch mayelana nalomdlali, kodvwa ke, kuwine iCity ekugcineni.

Lomdlali lonemashimi lamabili nakubili, lodlala i-box to box phakatsi enkundleni, ubenesizini lenhle kakhulu, waba yincenye badlali labatikhiya talelicembu le-Durban City.

Kulomdlalo we-Nedbank Cup, Jurgens wacala nemdlalo, wabuya wancoba indzebe yakhe yekucala ngca nalelicembu le-City.

Utawuchubeka nalelicembu le-City nakulesizini letako njengobe kutsiwa usayine ikontilaki yesivumelwano seminyaka lemitsatfu nalelicembu.

By:Nkosinathi