I-FIFA seyi-bhene licembu le-Chippa United ekusayineni badlali, imbangela?…
Lelicembu le-Chippa United likhiphe umbiko loveta kwekutsi babheniwe ekusayineni badlali labasha. Loku, kulandzelwa ngilesikoloto semali lebayikweleta lomceceshi wabo wakadzeni Luc Eymael.
Kodvwa lelicembu litsi lesimo lisibambe ngendlela lekahle, babike kutsi kufanele kwekutsi babhadale lemali ngembi kwekutsi kucale sigaba sewindi yekutsengiselana badlali.
Lelicembu kufanele libhadale imali lecishe ibenga nga-R200 00, yalomceceshi wabo wakucala, Luc Eymael.
Umbiko/sitatimende lesikhishwe iChippa United: “Sitsandza kubika kwekutsi lelicembu libukane nesimo lesiphatseke ngendlela lehlelekile.
“Njengobe lelicembu kanye na-Mr Luc Nico Eymael babe nekuvisisana ngendlela lehlelekile ngalendzaba.
“Lelicembu linikwe sikhatsi sekutsi libhadale imali lecishe ibe nganga-R200 000 ngembi kwekutsi sifinyelele kulesizini letako.
“Konke loko kuyalungiswa ngendlela yakhona futso lehlelekile kakhulu, njengobe silungiselela nalesizini letako.
“Lesigameko asilitsikameti lelicembu nakancane, ngako-ke, nyalo lelicembu kwamele linake lemidlalo lesihlanu lesele, kanye nekukhicita imiphumela lemihle kuphela.
By:Nkosinathi
