Kapinga utfole likhaya lelisha ecenjini lakuPSL

Licembu le-Orbit College liphutfume lasayina lacedza lomdlali wesisu loke wadlalela iMamelodi Sundowns kanye neOrlando Pirates, Lesedi Kapinga.

Umbiko utsi Lesedi Kapinga usayine sivumelwano sekontilaki nelicembu le-Orbit College letawuphela emaphetselweni alesizini lesikuyo nyalo.

Loweminyaka lengu-30 ngebudzala bekete licembu lekufihla inhloko kusukela ngenyanga ya-Kholwane ngalesikhatsi iSekhukhune United imkhulula lomdlali.

Kapinga bekanelikusasa lelichakatile ngalesikhatsi atsengiwa kuBlack Leopards licembu lelikhulu lase Mamelodi iMamelodi Sundowns.

Uncobe tindzebe temaligi la-3 ngembi kwekutsi ashiye licembu leMasandawana aye ku-Orlando Pirates wafika wancoba iMTN 8 kanye ne Nedbank Cup.

Kapinga udlale imidlalo le-117 lesemtsetfweni, washaya emagoli la-12, wase shaya ema assist la-17.

I-Orbit College ibukene nebumatima kulesicoco seBetway Premiership, bahleli kunombolo-15 nemaphuzu langu-14, kumidlalo lengu-17 yeligi.

Basayine Bradley Ralani sitsemba Kapinga utotfola litfuba lekutfutfukisa lwati lakhe.