I-SUNDOWNS ISAYINE JODY AH SHEME WE-CAPETOWN CITY

I-Diski times ivete kwekutsi lamacembu lamabili avumelene ngelinani lekusayina lomdlali we-Cape Town City, lesivumelwano sitawuphetsiswa kahle ngemuva kwesikhatsi lesi-24 kuye ku-48 wema awa.

I-window yemakethe iyavala ngomsombuluko, i-Sundowns itsatse tinyatselo ngekuphutfuma yasayina lomdlali loyincenye yebadlali lebayodlalela lesive kuma u-20 e-Chile kuyodlala i-FIFA World Cup.

Loweminyaka le-20 ngebudzala uicale kudlala kulelicembu le-City lalabadzala ngenyanga ye-Indlovulenkhulu, ngemuva kwekutsi atfutfuke abeyincenye yebagadli labadumile ku-DStv Diski Challenge.

Kundlule inyanga yinye nje, ushaye ligoli lakhe kulelicembu lelikhulu futsi ngemuva kwaloko watfola umklomelo wekubamdlali we-sizini ku-DDC.

Ah Shene ukhuphuke ezingeni lelisetulu ngeludumo kufaka ekhatsi u20 COSAFA CUup ne-GOLDEN Boot nekuyoncoba kumdlalo we u20 African Cup of Nations e-Egypt.

Ah Shem uyincenye yebadlali lebange-21 be-U20 lebayodlala ngenyanga ye-Inyoni, kukhona futsi labanye badlali be Sundowns lebafana na Thato Sibiya, Gomolemo Kekana, Siyabonga Mabena na-Kutlwano Lethlaku.

Lomdlali udlale midlalo lemibili ku-Cape Town City kumidlalo ye-NFD, kumidlalo yema playoffs ushaye ligoli linye kumidlalo lemitsatfu kulomnyaka wa-2025, bese kutsi kulomnyaka wa-2024 ushaye ku-Telkom Knockout udlale mdlalo munye washaya ligoli linye.