Khalil ngetinsolo tekudla Nabi titsendze ku-Chiefs

Lobekangumceceshi we-Kaizer Chiefs Khalil Ben Youssef, uphawula kuletinsolo tekutsi yena na-Cedric Kaze badla Nasredine Nabi titsendze ngalesikhatsi basebenta bonke ku-Chiefs.

Letinsolo tacala ngalesikhatsi Nabi ahlukana ne-Chiefs, Youssef kanye naKhalil bona bachubeka kulelicembu lase-Naturena.

Labanye balandzeli basole kwekutsi bekungabonwa ngaso linye emkhatsini kwa-Nabi nebasiti bakhe.

Loku kwenteka ngalesikhatsi Nabi anetinkinga tekugulelwa emndenini wakhe, kwamphocelela kutsi
acitse sikhatsi lesidze angekho ecenjini.

Akhuluma ku-iDiski Times Youssef, uticitse ngalokuphelele letinsolo betibhekiswe kuye.

“Cha, cha, cha. Cedric bekangekho nasifika ku-Chiefs. Nabi wafika nami, Fernando Da Cruz, Majdi Safi kanye na-Ileyes Mzoughi,” kusho Khalil.

Uphindze wachubeka watsi, ngu-Nabi lowatitsatsela sincumo. Kantsi futsi bantfu labatsatfu lebati liciniso ngalokwenteka.

“Nguye Nabi cobolwakhe lowatitsatsela sincumo. Bantfu labatsatfu labati liciniso lonke.

“Ngu-Kaizer Jr, ngu-Nabi, kanye na-Cedric. Ngibo bebakhona kuyo yonke lemihlangano,” kungeta Khalil.

FUNDZA NALANA: Akumakhadi kulonompempe lotawujaja lowe-Bafana neKorea

Story by Nkosinathi