Kukhononda’ MacCarthy na-Fortune kudliwa I-Egypt

Bo-Benni McCarthy kanye na-Quinton Fortune lebebabadlali be-Bafana Bafana bagceke kakhulu indlela lebeyisetjentiswa ngayo i-VAR ngesikhatsi seNdzebe Yemhlaba, i-Argentina ishaya i-Egypt nga-3-2.

 Bakhombise kungenetiseki lokukhulu mayelana netigameko temdlalo lapho khona i-Egypt ihlulwe yi-Argentina nga 3-2 ngaLesibili ebusuku.

Laba lababili, labasebenta njengetingcweti te-BBC, bavete kutsi i-Egypt yancishwa ligoli lelisemtsetfweni ngemuva kwekutsi badlali base-Argentina bancuse umdlali we-nompempe kutsi abonisane ne-VAR.

 “Kucala ngca kubona licembu lishaya ligoli lelikhulu kangaka, kuphela kutsi licembu leliphikisako licele kunompempe kutsi ahlole i-VAR,” kusho McCarthy.

“Bakhonona ngekutsi kwenteke kwephulwa kwemtsetfo ngaphambi kwekutsi kushaywe ligoli, kepha bekute nhlobo.

“Kute lowaphulwa lapho. Kuyamangalisa kutsi nompempe wahamba wayohlola i-VAR ngenca nje yekutsi Messi nalabadlali labadlala nabo bebamcindzetela.”

Quinton Fortune waphindzaphindza imiva yaMcCarthy, wachaza lesigameko njengemahloni ebholeni lemhlaba.

FUNDZA ANALANA: Mofokeng ‘utsintsele’ i-Chiefs avalelisa

 “Loku akusahlekisi. Senta njani nyalo? I-Egypt ifake ligoli lelihlantekile, noma kunjalo yonkhe i-angle ye-VAR lesuka esibhakabhakeni iyahlolwa kute kuzanywe kutfola liphutsa kuyo,” kusho yena.

“Yebo, sonke sifuna kubona Messi enta kahle, kepha
akaludzingi loluhlobo lwelusito.

“Unelicembu lelicinile nebadlali labasezingeni lemhlaba; akukafaneli asitwe ngalendlela.”

Story by Nkosinathi