Likusasa la-De Reuck alicaci ku-Simba, angahle abuye ku-PSL
Rushing De Reuck lodlalela licembu lase- Tanzania lelikhulu i-Sunba SC, kuvela kutsi angahle abuyele ekhayabe eNingizimu Afrika.
Loku kubikwe i-agent yakhe, Paul Mitchell, uvumile kwekutsi ikontilaki yalomdlali wasemuva imfishane kumnyaka munye kantsi futsi inekukhatsata tsite, ite indlela yekukhetsa kutsi ichubeke.
Kuphawula kwa-Mitchell kubange mibuto lephutfumakobnga-Rushin De Reuck likusasa lelidze kulelucembu, ngaphandle kwendlela lekadlale ngayo lesizini.
“Bekayele umnyaka munye nje. Mnyaka munye nje kuphela. Kute indlela yekukhetsa kwekutsi ichubeke.
“Ngako-ke, anginasiciniseko sekutsi utawuchubeka ahlale ngaphansi kayo, kodvwa sitawubona,”Mitchell uvete lendzaba, wangeta neliphimbo lekungabi nesiciniseko sekubuyela kwalomdlali ku-Vodacom Premier League.
Lomdlali wasemuva wakucala welicembu le-Mamelodi Sundows utakhele ludumo ngekuyodlalela licembu le-Simba SC, nyalo bacudzelana ngemandla ekhaya nesemaveni.
Mitchell ubike tidzingo letikhona nyalo, wabika tintfo letibalulekile lekuhlelwe kuzuza tong.
“Kodvwa yebo, Ngisho kutsi, udlala ku-Champions League. Nginelitsemba lekutsi angadlala kahle ku-Champions League ancobe leligi nalelicembu le-Simba lomnyaka.
“Kantsi futsi sitawubona kutsi kwentakalani emaphetselweninalesizini,” kubike le-Agent yakhe.
Loku, kuchaza kwekutsi lelicembu le-Simba SC kuyomele linike lomdlali ikontilaki lensha, noma idlale ngengoti yekulahlekelwa ngulomdlali wasemuva lokhaliphile.
