Relebohile Mofokeng of Orlando Pirates during the DStv Premiership 2023/24 match between Orlando Pirates and Chippa United at the Orlando Stadium, Soweto on the 08 May 2024 ©Muzi Ntombela/BackpagePix

UMofokeng ufakwe eqenjini lesizini leNedbank Cup

June 4, 2024 Banele Hlakanyane 422 Views

INedbank Sport isimemezele ngokusemthethweni iqembu lesizini leNedbank Cup kanti abadlali be-Orlando Pirates FC yibona abakhonyayo kuleli qembu.

Abadlali abafakwe kuleli qembu ngabadlali bamaqembu abengene kowandulela owamanqamu walo mqhudelwano. Abadlali beChippa United FC kuphela abangafakwanga kuleli qembu.

Amaqembu amane abengene kuma-semi final eNedbank Cup i-Orlando Pirates FC, Mamelodi Sundowns FC, Stellenbosch FC neChippa United FC.

I-Orlando Pirates FC ihlule iChippa United FC kwathi iMamelodi Sundowns FC yanqoba ibhekene neStellenbosch FC kowandulela owamanqamu weNedbank Cup. ISundowns ihlulwe kowamanqamu ibhekene ne-Orlando Pirates FC kanti iPirates iyona engompetha balo mqhudelwano.

Iqembu leNedbank Cup Lesizini limi kanje:

Unozinti: Sipho Chaine (Orlando Pirates FC).

Abadlali basemuva: Khuliso Mudau (Mamelodi Sundowns FC), Fawaaz Basadien (Stellenbosch FC), Thabiso Sesne noThapelo Xoki (Bobabili abavela ku-Orlando Pirates FC).

Abadlali basesiswini: Marcelo Allende (Mamelodi Sundowns FC), Devin Titus (Stellenbosch FC), Patrick Maswanganyi noRelebohile Mofokeng (Bobabili abavela ku-Orlando Pirates FC).

Abagadli: Tshegofatso Mabasa (Orlando Pirates FC) no-Iqraam Rayners (Stellenbosch FC).