I-Bafana Bafana ivuke kulabafile, yabuyisa litsemba kulowe Ndzebe Yemhlaba

I-Bafana Bafana ikhombise kutetsemba nekuba ne-Sibindzi ngemuva kwekutsi idlale kulingana, nga-1-1, nelicembu le-Czech.

Ngemuva kwekutsi batfole luswati badliwa i-Mexico kulomdlalo wekucala, besebaswela nemgodzi wekucasha.

Kodvwa tintfo ticale kubhimba ngalesikhatsi Michal Sadilek We-Czechia ashaya ligoli lekucala.

Leligoli lelo, lishiye ebalandzeli bakhatsatekile futsi ne-Ningizimu Afrika isebungotini bekuphuma
ekuseni kulomncitiswa we-Ndzebe yemhlaba.

Kodvwa, badlali bemceceshi Hugo Broos abakapheli umoya bachubeke bafuna indlelanyekutfola ligoli lekulinganisa kulomdlalo.

Broos ufake Relebohile Mofokeng esiwombeni sesibili ngenhloso yekungeta kuhlasela phambili.

Labafana bahlasele bagcine batfole iphenathi ngebhola letsintse sandla semndlali we-Czech
Republic ebhokisini.

FUNDZA NALANA/ ‘Vele Dlamini we-Pirates uya ku-Stellies ? Asiveni……

Mokoena wayitsatsa wayivalela enethini. Labuya litsemba kunadlali kanye nebalandzeli balelicembu
lase-Ningizimu Afrika.

Nyalo lela-Hugo Broos liyodlala ne-South Korea kulomdlalo wemancamu. Uma bangancoba kulomdlalo bangaphumelela kuwela esigabeni lesibili salomzncitiswano.

Story by Nkosinathi