Litawube lingekho lelisotja le-Stellenbosch FC nabadlala ne-Pirates

Lomdlali wasemuva lebatsembe yena we-Stellenbosch FC, Thabo Moloisane utawube angekho kulomdlalo wabo we-Betway Premiership ne-Orlando Pirates.

I-Pirates ilambele kukoleka emaphuzu lamatsatfu njengobe basemjahweni walendzebe ye-Betway Premiership.

Balandzela I-Sundowns ngemaphuzu layi-59 nemdlalo esandleni, bahlisekile lapha kunombolo-2 walelitafula.

Ngaleso sikhatsi Tshegofatso Mabasa naye angeke abeyincenye yalomdlalo ngephansi kwemceceshi Gavin Hunt. Thabo Moloisane yena uhlawulisiwe/umisiwe.

Olisa Ndah yena angafakwa na-Hendric Stanic noma na-Athenkosi Mcaba. Bese kutsi indzaba ya-Musa Lebusa isamile ngemibuto, njengobe sekudlalwe imidlalo lemitsatfu kulandzelana angabonakali.

Kuledabhi yase-KZN, i-AmaZulu FC itawudlala ngaphandle kwa, Liam Bern, bese kutsi i-Golden Arrows yona itawudlala ngaphandle kwemgadli wayo lohamba phambili Junior Dion.

By:Nkosinathi