LoweChiefs ukhala ngekukhishwa kuCAF Confed

Umceceshi welicembu le-Kaizer Chiefs Cedric Kaze uvule sfuba mayelana nekutsi bakhishwe kulomncitiswano weCAF Confederation Cup kulempelasontfo leyengcile.

I-Kaizer Chiefs beyivakashele licembu leZamalek eveni lase Egypt, bebadlala umdlalo wesitfupha walomncitiswano lapho badliwe khona 2-1, ngeMgcibelo.

Licembu leAl Masry lona lancoba nga2-0 libulala iZesco United kulomdlalo lomunye waleluhlangotsi la-Group D.

Letingcalamba taseEgypt tona tanyukela etulu tayobamba nombolo-2 bese letigclamba tase Sowto tona tehla bekulinganiwa ngemaphuzu kodwa bashiyana nge-goal difference.

Kaze yena uvete kudzabuka kwakhe ngalokudliwa kwabo kulomdlalo lobeka baluleke kakhulu, nangalendlela bahloniphe ngakhona letimbangi tabo.

LOKWEHLISE TIHLATSI KUMC3CESHI KAZE

“Kwekucala ngitsandza kusho kwekutsi kulihlazo lelikhulu kakhulu kutsi, sifake sikhatsi setfu kanyenemfutfo kulomncitiswano,”kusho Kaze.

“Sizame konke lesinako, kodvwa namuhla emdlalweni asikafiki ngemcondvo lokahle, sinike letimbangi tetfu sikhatsi kanye netindlela tekutsi bakhe ematfuba lamanyenti.

“Ngicabanga kwekutsi sisuke sabahlonipha kakhulu, ngoba naleligoli lekucala lebalishaye esombeni sesibili babhukulele kulomtsangala wetfu,

“Ligoli lesibili nalo lichamuke kulomtsangala wetfu, leli lihlazo lelikhulu kakhulu, kodvwa ibhola injalo,” kusho Kaze.

SIPHETFO SA-KAZE NGE-CHIEFS

Kaze utsemba kwekutsi batfole sifundvo lesikhulu kakhulu, kani futsi nyalo batawuchubeka batilungiselele kulesicoco seBetway Premiership.

By:Nkosinathi