McKenzie utsi umangabe i-VAR ingafakwa lesizini letako kutawube kunemkhonyovu

Lomengameli we-Sport, Ats and Culture Gayton Mckenzie ukhiphe sitatimende lesicinile mayelana nekufakwa kwe-Video Assistant Referee (VAR).

Lomengameli utsi umangabe i-VAR ingafakwa lesizini letako kutawube kukhwabaniswe timali tekufaka le-VAR.

Ukhulume ku-Conference ngoLwesine e-Freedom Park Heritage Site e-Pretoria. Lapho atfule khona tonke tinkinga tiphelele.

McKenzie ubike kutsi, kusukela batfumele R20million ku-SAFA, batsembisile kutsi i-VAR seyitawufakiwa. Utsi angeke kube nekuchaza tintfo letingapheli.

“Kodvwa sikhatsi lesibekiwe sikulesizini letako, kantsi futsi kusele imidlalo lesihlanu. Kunelikhefu le-FIFA lelitawutsatfwa emkhatsini kwalemidlalo.

“Futsi kunekuphumula emkhatsini walemidlalo lemibili. Futsi umasicala lesizini letako, kwamele sicale yonke intfo ihlelekile,” kusho Mackenzie.

“Umangabe i-VAR ingafakwa, sitawubese sicocisana nema-Sponsor e-SAFA, kanye ne-Komiti ye-Portfolio. Sitawukhuluma ne-FIFA, sibese senta luphenyo sitfole kutsi inkinga ikuphi.”