MERVIN BOJI UKHULULIWE KU-CAPETOWN SPURS

Be-SABC Sport batsi umgadli lokungu Mervin Boji ukhululiwe ngalokusemtsetfweni ngulabe-PSL (DRC) kutsi ashiye licembu le-Cape Town Spurs njengemdlali lokhululekile.

Lokusho kutsi lelicembu nyalo lilahlekelwe badlali labane labakhulu futsi labasezingeni lelisetulu kulesigameko lesi.

Ngalesikhatsi licembu le-Spurs lehliswa esigabeni se-ABC Motsepe League, kuvuleke minyango kukapteni Asanele Velebayi, Luke Baartman na-Liam Bern ngibo badlali labahambile.

I-Kaizer Chiefs yaphutfuma yasayina Velabayi na-Barartman, bese i-AmaZulu yasayina Bern.

Boji kutsiwa bekufanele aye ku-Chippa United, luhambo i-Spurs leyike yatama kulivimba ngaphambilini. Kodvwa nyalo lomdlali ukhululiwe ukhululekile kwekutsi angasayina kulicembu lalifunako yena.