Parker uphawula ngemachinga labente bakhona kushaya I-Sundowns

Benerd Parker lokewagcilata iSundowns angumdlali wabuya futsi wayishaya sekangumceceshi, utakhele umlandvo washaya iSundowns 3-2 eMbombela Stadium.

I-TS Galaxy kucale yona yashaya emagoli lamabili, ekucaleni kwemdlalo, iSundowns yabuya yalinganisa kulomdlalo we-Betway Premiership.

Kodvwa kutse nasekubuyiwa esiwombeni sesibili, Mpho Mvelase washaya lesitsatfu ngebhola lenhle ledlaliwe i-TS Galaxy iSundowns ingakayitsintsi.

Parker uphawule ngemuva kwalomdlalo washo kutsi kusukela bebawulungis3lela ngalokuphelele lomdlalo.

Utsi babuke ngendlela iSundowns idlala ngakhona, bahlela emachinga kanye netindlelq tekubashaya.

“Besiloku sitivocavocela lomdlalo, kutsi sikhone kugadla kuletikhala ngemuva kwabo, ngalomdlali wetfu lomncane Mahlambi,” kusho Parker.

“Lichinga lalomdlalo lisebemte ngendlela besihlele ngayo, kutsi sisebentise emandla kanye nelikhono letfu.”

By:Nkosinathi