Sekubikwe umceceshi lomusha kulelase Naturena

Licembu le-Kaizer Chiefs selisondzele ekusayineni umceceshi lomusha, Fernando Da Cruz,  njengemceceshi lomusha.

Kusukela kuhambe labaceceshi lababili Cedric Kaze kanye na-Khalili Ben Youssef. I-Chiefs itingele umceceshi lomusha lotawutsatsa lesikhundla.

I-Diski Times seyivumbule kutsi iChiefs icocisana nemceceshi lomusha Da Cruz mayelana nekumsayina. Njengobe nje, kuyiwa ekhefini.

I-Chiefs isengakabiki kusayina kanye nekukhulula badlali, njengobe bafuna kutsi lomceceshi atobuka labadlali labakhona kucala.

Midlalo yemalungiselelo itawutsatsa indzawo eveni lase-Germany. Balungiselela lesizini letako ya-2026/27.

Da Cruiz bekufanele ngabe wajoyina iChiefs njengemulekeleli wa-Nabi. Kodvwa lowase Morocco  wajika tintfo ekugcineni, wajoyina lelase Morocco.

Lomceceshi ukewasebenta na-Nabi njengemcondzisi webuceceshi, kulelicembu le-AS FAR e-Morocco.

By:Nkosinathi