Tindzaba letimnandzi nga-Dortley  ku-Chiefs

Mdlali lokhaliphile wasemuva welicembuble-Kaizer Chiefs, Rushing Dortley kubikwe tindzaba letimnandzi mayelana nekubuya kwakhe enkhundleni yemdlalo.

Dortley ucitse sikhatsi lesidze angadlali ngenca yekulimala kwelidolo lebekudzinga kutsi ahlindziwe ngenyanga ye- Inkhwekhweti.

Kusukela lapho lomdlali bekalwela kululama abuyele enkhundleni yemdlalo. Umphatsi wakhe utse utawubuta kahle ngenyanga ya-Bhimbidvwane.

Ngembi kwekutsi alimale Rushin Dortley bekangumdlali lobekasikhiya salamacembu lamabili i-Kaizer Chiefs kanye ne-Bafana Bafana (licembu lesive).

“Utawubuya ngo-Bhimbidvwane. Bekufanele ngabe ubuyile madvute, inkinga bekasahlabetana nebuhlungu bekakuva kulelidolo lakhe,”kubike lomphatsi wakhe.

“Udlale ahlangabetana nebuhlungu ngembi kwekutsi bayomhlindza lesizini lephelile, lokumcindzetele kwekutsi ahambele kuhlindvwa ngalenyanga ye- Inkhwekhweti.

“Bekulindzelwe kwekutsi abuye ngenyanga ye-Imphala, kodvwa bekangaka police ngalokuphelele, bekusanebuhlungu bekabuva.

“Ngako-ke, dokotela lobekamhlindza, wabuya watomhlolankutsi yini lebanga lobuhlungu kulomdlali.

Lomphatsi uchubekile, wabika kutsi balindzele kutsi Dortley acale kutilolonaga nalelicembu nalibuyela enkhundleni yekutilolonga futsi ngoBhimbidvwane.

“Utawucala kutilolonga alwele indzawo yakhe kulelicembu. Nyalo unake kululama ngalokuphelele atokhona kubuyela enkhundleni ngalokuphelele.

“Ufuna kusita lelicembu kutsi likhuphuke kule-logo, kutsi lelicembu libe ehlangotsini lelisetulu lelitobanga kutsi bawine leligi, noma bacedzelele kunombolo-2.

“Ufuna loko kantsi futsi ufuna kubuyela kulelicembu lesive ngembi kwekucala kwe-World Cup,” kungetele lomphatsi.