Tso Vilakazi ukhala ngebhola yeChiefs
Lobekangumdlali we-Orlando Pirates Benedict “Tso” Vilakazi ungenele iKaizer Chiefs, ayisola ngekulahla lisiko layo.
Ukhulume ku-Omni Audio Africa, lenkakha ibute kutsi yini lena ledlalwa iKaizer Chiefs kahle kahle nyalo.
Tso anoma nje uvumile kutsi lelicembu liyawashaya koleka imphela lamaphuzu, kodvwa watsi lebhola leliyidlalako alinongoteli nakanacane.
“Ungalitsengisi njani ligama lelicembu uma ngabe lidlala ibhola lenje?” kubuta Vilakazi.
“Ngekubona kwami angiyitsandi indlela iKaizer Chiefs ledlala ngayo.”
Lomdlali wakadzeni weMabhakabhaka lohambe waba ngumhlatiyi webhola letinyawo usebentise magma lamatima azama kuchaza lebhola ledlawa iKaizer Chiefs kahle kahle.
Uchatsanise kusebenta kwelicembu nekudla kwasekuseni lesikutsandzako saseNingizimu Afrika, watsi asidleki ngaphandle kwashukela.
“Akukhonakali kutsi ungadla liphalishi ngaphandle kwashukela. Alinambitseki kwasanhlobo.”
IKaizer Chiefs isandza kunyukela endzaweni yesitsatfu kulogi yeBetway Premiership yaphindze yancoba kuCaf Confederation Cup.
Vilakazi ukhuluma ngalendlela nje kungenca yekutsi iChiefs iloku incoba ngetinchetfu ta 1-0 nje kusukela kucale lomnyaka.
