Umceceshi we-Chiefs uveta lakucaphele nga-Mfundo Vilakazi

Umceceshi welicembu le-Kaizer Chiefs Cedric Kaze ucacise ngenchubekela yesihlabane lesisase sincane seChiefs Mfundo “Obrigado” Vilakazi.

Uphindze wachaza kabanti ngetintfo lekufanele kutsi lomdlali loneminyaka lengemashumi lababili atente kute akhone kucaliswa nemidlalo.

Mfundo Vilakazi besekasetjentiswa njengemdlali lotjintja umdlalo kulesizini.

Ube ngundzaba mlonyeni Vilakazi ngemuvavkwekutsi asuke ebhentjini  wangena wadlala kahle kakhulu, wabuya washaya ngisho neligolo lesibili ngemaminitsi layi-62’ alomdlalo.

Ngemgcibelo ngemhlaka-21 INdlovulenkulu, iChiefs ishaya licembu le-iMagesi FC 2-0, ngeligoli laWandile Duba kanye na-Mfundo Vilakazi.

Mfundo kusukela wakhushulwa wafakwa kulelicembu lelikhulu ngemnyaka wa-2024, uyatimisela kantsi futsi uyintsandvokati yebalandzeli be-Amakhosi.

KUNCOMA KANYE NEKUCAPHELA…

“Ungumfanyane lomncane lomangalisako phakatsi eNkundleni futsi uyakuysandza kufundza ngaso sonke sikhatsi,”kubike Kaze.

“Kodvwa kunekutfutfuka lashoda ngako lakudzingako kute afike ezingeni lelifanele, ngekwemtimba, kanye nekukhona kugcina ibhola ngalokufabele.”

By:Nkosinathi