Umceceshi we-Chiefs uveta umbono wakhe ngalempi yangeti-26
Khalil Ben Youssef longumceceshi welicembu le-Kaizer Chiefs uvete umbono wakhe ngalomdlalo lomkhulu we-Soweto Derby, iChiefs iyocudzelana ne-Pirates.
Youssef utsi ekugcineni kwako konke lokubaluleke kakhulu kulomdlalo kukoleka emaphuzu lamatsatfu njengakuleminye imidlalo.
Letingcalamba tase-Soweto titawuhlangana kumdlalo wesibili we-Betway Premiership lapho bonke bayobe balwela kuphuma nemaphuzu lamatsatfu, kuhle bakhone kugcina tindzawo tabo.
Kulomdlalo wekucala i-Chiefs yaphaka 3-0, iPirates nyalo ibambe nombolo-1, ilandzelwa I-Sundowns kanye ne-Chiefs lehleli kunombolo-3.
Amakhosi anemaphuzu layi-46, iPirates yona inemaphuzu layi-58, ngiyo lehola lelitafula le-Betway Premiership.
Ben Yousseff uphawule ngoLwesine atjela bemidiya, wabika kutsi lokubalulekile kutsi batsatse emaphuzu lamatsatfu bachubeke nendlela yabo.
“Emaphuzu lamatsatfu nje kuphela,” kusho Khalil Ben Youssef.
“Emaphuzu lamatsatfu nje kuphela, umasingancoba kulomdlalo bangasinika leNdzebe?”
“Noma mhlawumbe emaphuzu lasitfupha langenta umehluko lomkhulu? Kitsi lona ngumdlalo lojwayelekile weligi njengobe ngishilo.
“Yebo i-Derby, licembu lelitawuwina litawube liase Soweto, ngitsi noma ngibo, kodvwa njengobe ngishilo, lona ngumdlalo weligi lojwayelekile.
“Inhloso yetfu yinye kusukela kucale lesizini, akumelanga sintjintje inhloso yetfu. Uncoba umdlalo munye, ucala kukhuluma ngekutstsa iPSL, uyabuya udliwa umdlalo munye ucala kubulala yonk’intfo.
“Inhloso yinye, njengobe sasho kutsi kungena ku-CAF, sakwenta ngebhadi savinjwa mehluko wemagoli.
“Sishilo kutsi inhloso yetfu yesibili kutsi sibe kunombolo-3 kuligi, kantsi nyalo sikhona khona, ngiko lokubalulekile loko.”
By:Nkosinathi
