Kahle kahle kwentakalani nge-Chiefs? Umceceshi Kaze uyachaza

Uswele umgodzi wekungena umceceshi we-Chiefs ngemuva kwekutsi batfole induku ya-1-0, badliwa Richards Bay ngoLwesibili.

I-Kaizer Chiefs idliwe kwesine ngemuva kwalomdlalo wayo neRiChards Bay lapho itfole khona induku lebuhlungu.

I-Richards Bay ishaye ligoli lesibili nga-Thulani Gumede esigabeni/esombeni sesibili salomdlalo.

Cedric Kaze uvete kwekutsi kunelishwa/ibhadi lekhulu lebahlasele, kodvwa unelitsemba lekutsi itawundlula.

KAZE UKHALE NGEKULIMALA KWEBADLALI…

Lenkinga yekulimala kwebadlali iyachubeka, njengobe nje Inacio Miguel alimale ngesikhatsi sekutivocavoca ngembi kwekutsi kucale lomdlalo.

“Besingakacini emuva ngenca yekulimala kwa-Miguel ngembi kwekutsi kucalele lomdlalo, ngalesikhatsi batilolonga,” kubike Kaze.

“Kanye nekumiswa kwa-Zitha kwente sagucula lomtsangala wonke wasemuva, futsi ngiko lokube nemtselela lomkhulu kutsi sidliwe.

“Kodvwa kwamele sente kancono, lokusele nyalo, kutsi sibuyele enkundleni siyosebenta kamatima.

“Kantsi futsi siyetsemba kwekutsi badlali labalimele batawubuya madvute batocinisa,” kungetele lomceceshi.

KWENTEKENI KAHLE KAHLE NGA-MIGUEL?

Uphawule watsi, uvuke angativa kahle lomdlali, bebanelitsemba lekutsi utawukhona kudlala njengobe bodokotela bamzamile kodvwa kwala.

KUCEDZA UMDLALO BASHODA…

Ukhale nangekuhacwa lifu lelimnyama njengobe nemdlalo bawucedze bangakapheleli kshle.

Nkanyiso Shinga lobekadlala kwekucala, ulimale umdlalo soya ngasemapgetselweni iChiefs beseyicedzile kwenta tingucuko.

By:Nkosinathi