Mailula ubuya ngeligoli lelikhiphe i-Downs enkingeni ku-MTN8
Cassius Mailula ubelichawe le-Mamelodi Sundowns washaya ligoli lesitsatfu ku-MTN8 ngemuva kwekuncoba i-Polokwane City ngemiphumela ya-3-2 emdlalweni wekota-final, lebowumatima ngendlela lesimanga.
I-Polokwane City ngiyo lecale yashaya ligoli lekubika kulomdlalo ngelishumi nesikhombisa.
Ngemzuzu wesi-7, Bonginkosi Dlamini washayelela iCity ligoli lekucala ngemuva kwekutsi i-Sundowns
yehluleke kusebentisa litfuba lekushaya ligoli.
Kodvwa iSundowns ayizange ivumele leligoli kutsi libe yinkinga sikhatsi lesidze. Ngemzuzu wesi-21, Teboho “Tebza” Mokoena walinganisa emaphuzu ngemuva kwekutsi Marcelo Allende adlale ibhola asekoneni ngendlela lemfisha, Antonio Van Wyk
walidlulisela kuMokoena, wacinisekisa kutsi ulivalela enethini.
Ngemuva kwemizuzu lelishumi, Antonio Van Wyk, lobekadlala umdlalo wakhe wekucala neSundowns,
wanika licembu lakhe ligoli lekuhola lomdlalo nga-2-1 ngemuva kwekutsi Iqraam Rayners amnike ibhola lelihle. Leli bekuligoli lakhe lekucala kulelicembu.
I-Polokwane City yabuya nayo yalinganisa kulomdlalo, yenta kutsi kube nemcudzelwano lomkhulu phakatsi eNkundleni.
Lomdlalo wagcine ungakapheli ngemizuzu leyi-90, waya esikhatsini lesengetiwe, Extra-Time.
Esikhatsini lesengetiwe, womabili lamacembu abe nematfuba ekushaya ligoli lekuncoba lomdlalo.
Marcelo Allende naThemba Zwane basondzele ekunikeni iSundowns leligoli, kodvwa umgcini-mgomo weCity, Ayanda Ngwenya, wabenta bangaphumeleli.
Ekugcineni, Cassius Mailula waba lichawe lalomdlalo, washaya ligoli lelincobe lomdlalo ngemuva kwepasi levele kuThemba “Mshishi” Zwane.
FUNDZA NALANA:Modiba: Sifuna kubuyisa indzebe yetfu ye-Betway Premiership
Ngaleligoli, i-Mamelodi Sundowns seyidlulele kuma-semifinal e-MT8. I-Polokwane City yona seyikhishiwe kulomncintiswano.
Story by Nkosinathi Masinga
