Tso Vilakazi nanyalo umangatwa ngilebhola ye-Orbit College ledle Bvuma
Lomhlatiyi webhola letinyawo we-iDiski TV BenedictTso Vilakazi, umangatwa ngilebhola ledle Bruce Bvuma we-Kaizer Chiefs emapalini.
Bruce Bvuma, loneminyaka lengu-30 ngebudzala, locitse sikhatsi lesidze asebhentjini wacala kuvimba ngemuva kwekutsi kulimale Brandon Petersen, sovimbe midlalo lesihlanu kulandzelana.
Lelicembu lishaye emagoli lasitfupha, Bvuma yena uvulele emagoli ladihlanu kusukela acale kuvimba kulemidlalo lesihlanu kulandzelana.
I-Orbit ishaye ligoli lelibonakale lilula kutsi belingamudla Bvuma, kigoli lenhloko lelishatjwe ngu-Mbulelo Wagaba lula ngendlela lesimanga.
Ngako-ke, Amakhosi aphendvule ngemagoli lamatsatfu ancoba lomdlalo, bashayi bemagoli ngu-Wandile Duba, Mduduzi Shabalala, kanye na-Siphesihle Ndlovu.
‘Tso’ utsi uhluleka kuvisisa kutsi Bvuma ubusebentisa njan bucwepheshe bakhe kulebhola lengene kalula.
“Batfole ibhola lehle (Orbit College), bashaya ngenhloko kamnandzi kodvwa Bvuma, cha angeke,” kusho Tso Vilakazi ku-iDiski TV.
“Cha, cha, cha kulesigaba lokuso angeke, kuleli-pali lona lelo, kuncono kube lomfana uyifake khashane kwelipali bengitawuvisisa, kodvwa cha ayikho.
“Umbonile lendlela azame kuhlela lebhola kuyakutjela kodvwa Bvuma.
“Kulesinye sikhatsi ubuye utibute ngebucwepheshe banozinti. Tintfo tebucwepheshe, kodvwa bekufanele asebentise mtimba ibhola imane ishaye lomtimba.
“Vala lelipali ngemtimba vumela ibhola imane ikushsye buso umangabe kufanele, kodvwa bekungafanele kutsi lebhola indlule kuwe.”
By:Nkosinathi
