Sihlabane se-Chiefs sibuyile kulomdlalo we-Caf-C-C lotako

Licembu le-Kaizer Chiefs selikhona nekuphefemula njengobe balungiselela umdlalo we-Caf Confederation Cup lomkhulu kakhulu.

Licembu le-Kaizer Chiefs litawube libukene nemachawe aseveni lase-Egypt licembu le-Zamalek.

Lona kutawuba ngumdlalo lomkhulu, utawutsatsa indzawo e-Peter Mokaba Stadium ngoMgcibelo ngensimbi ya-03:00pm emini.

Lamacembu agcina kuhlangana ngemnyaka wa-1993, loku kubanga kwekutsi lomdlalo ube sezingeni lelisetulu.

Ngako-ke, mathikithi ekungena enkhundleni yase Peter Mokaba, abita R80 ngalinye.

Licembu le-Kaizer Chiefs litawube lamukela Gaston Sirino eNkhundleni yemdlalo, lobuyile ngemuva kwekutsi amiswe kancane ngekwemtsetfo webhola letinyawo.

Sirino ungumdlali wekucala kutsi atfole emakhadi lamatsatfu (yellow-cards) ladale kwekutsi amiswe kancane kulomncitiswano we-Caf Confederation Cup.

Watfola lamabili kulemidlalo lemibili yabo nelicembu le-Kabuscorp, lapho baphumelela khona kutsi bafinyelele kulesigaba sanyalo.

Lesitsatfu ulitfole ulitfole ngalesikhatsi bacudzelana nelicembu le-AS Simba.

Ngekwemtsetfo we-Caf, angaphindza atfole futsi emakhadi lamatsatfu noma linye lelibovu utawumisiwa imidlalo lemibili.

I-Kaizer Chiefs isalindvwe midlalo lesihlanu kantsi umangabe batawuphumelela bangakatfoli likhadi lelibovu oku kusho kwekutsi batawuphumelela bahlobile.

Kantsi futsi, umangabe Sirino atawutfola emakhadi la-9 kulomncitiswano, utawukhishwa ngalokuphelele kulomncitiswano.

Loweminyaka le-34 ngebudzala, unemlandvo wemakhadi la-40 kumidlalo le-40 nelicembu le-Kaizer Chiefs.